Ek din hum game mein mile the… bilkul randomly.
Pehle thodi si baatein, phir dheere dheere chats badhne lagi.
Game ke texts se start hua safar, daily life tak pahunch gaya.
Roz baat karna aadat ban gayi… bina miss kiye, poore 8 mahine 💫
Woh mere din ka sabse best part hota tha… tumse baat karna.
Aur pata hi nahi chala kab mujhe tumse feelings ho gayi…
Haan, mujhe tum par crush ho gaya tha ❤️
Main tumhe batana chahta tha… par darr lagta tha.
Darr iss baat ka ki kahin yeh jo humara khoobsurat bond hai, woh toot na jaye.
Tum kya feel karti ho… kya react karogi… iss soch ne mujhe rok liya.
Phir maine ek galti ki… sabse badi galti.
Maine ek fake story banayi, bas yeh jaanne ke liye ki tumhe bhi kuch feel hota hai ya nahi…
Jaise main kisi aur ko like karta hoon…
Aaj tak us baat ka regret hai… 💔
Uske baad tum achanak game se gayab ho gayi…
Mujhe laga ek din ki baat hogi…
Phir 2 din… 3 din…
Main sochta tha tum theek nahi ho shayad…
Phir 1 week ho gaya… tum nahi aayi…
Main roz game open karta… tumhara profile check karta…
Ek mahina… phir ek saal…
Par main wahi tha… tumhara wait karta hua… 🕰️
Dil mein bas ek hi hope thi —
ek din tum zaroor aaogi…
Phir ek din… achanak tumne apna Insta ID game bio mein dala…
Us din meri happiness peak par thi 😭✨
Ek second bhi waste nahi kiya… turant text kiya…
Par reply nahi aaya…
1 din… 2 din… 3 din… phir weeks…
Aur phir finally tumhara reply aaya…
Main itna khush tha… jaise sab kuch wapas mil gaya ❤️
Humne thodi baat ki…
Par next day jab maine text kiya…
Mujhe laga yeh tum nahi ho…
Phir pata chala… koi aur hai…
Woh mazaak karti thi, confuse karti thi…
Ek din usne bola call karte hain, par condition — woh bolegi nahi, sirf main bolunga…
Kuch din baad mujhe samajh aa gaya…
Yeh tum nahi ho…
Maine poocha tum kahan ho… kaun ho tum…
Usne bola ₹500 do, tab number milega…
Us waqt aur bhi bura laga…
Phir ek mahine baad…
Tum wapas game mein online aayi… 💫
Us din ki feeling… main aaj tak explain nahi kar sakta…
Meri khushi… meri hope… sab wapas aa gaya tha…
Humne baat ki… tumne apni life ke baare mein bataya…
Kyu tum gayi thi… kya hua tha…
Phir hum phir se baat karne lage…
Par iss baar daily nahi…
Kabhi mahine mein ek baar… kabhi do baar…
7–8 mahine aise hi nikal gaye…
Main har baar sochta…
Aaj bol dunga… aaj bata dunga ki mujhe tum pasand ho…
Par phir wahi darr…
Tum bhi feel karti ho ya nahi…
Aur phir ek din…
Tumne casually bola…
“I’m finally in a relationship.”
Us moment mein sab ruk gaya…
Kyuki main…
Aaj bhi tumhe pasand karta hoon…
Pichhle 4 saalon se… ❤️🩹
Par kabhi keh nahi paaya…
Bas chup raha…
Jaise kuch feelings hoti hain…
jo kabhi khatam nahi hoti… sirf chup ho jaati hain.